Apple ထုတ်ကုန်တွေမှာ iCloud ရဲ့ အသုံးဝင်ပုံလေးတွေကို ဆက်လက် ဖေါ်ပြပေးချင်ပါသေးတယ်..။ iDevices တွေကို မြန်မာပြည်သားများ အသုံးပြု နည်းနေသေးပေမယ့် လက်ရှိအသုံးပြုနေတဲ့သူ အများစု ကလည်း iDevices တွေအကြောင်း ကောင်းကောင်း မသိသေးတာရယ်၊ သိပ်လည်း အသုံးမပြုတတ်ကြသေးတာကြောင့် ဒီအသုံးပြုနည်းတွေကို ပိုစ့်တစ်ခုအဖြစ် တင်ပေးလိုက်ရပါတယ်..။ လက်ရှိအချိန်ထိ Apple ထုတ်တွေကို ဝယ်ကိုင်နိုင်သော်လည်း iCloud အကောင့်တစ်ခု ရဖို့ကို အခကြေးငွေပေးပြီး ဖွင့်ခိုင်းနေကြတာ တွေ့နေရတဲ့အတွက်.. ဒီလိုလွယ်ကူတဲ့ နည်းလေးတွေကို အလွယ်တကူ လုပ်တတ်အောင် ၊ iCloud အကောင့်တွေ ဖွင့်တတ်အောင် ဒီပိုစ့်မှာ ပုံလေးတွေနဲ့ အစအဆုံး ပြပေးထားပါတယ်..။
iCloud ဆိုတာက Apple ထုတ်တွေရဲ့ လုံခြုံရေးလို့ ဆိုရင်လည်း မမှားနိုင်ပါဘူး..။ ဥပမာ မိမိမှာ iPhone တစ်လုံးရှိပြီး အကြောင်းတခုခုကြောင့် ပျောက်သွားတယ်ဆိုရင်တောင်.. ဒီ iCloud အကောင့်နဲ့ မိမိဆီ ဖုန်းပြန်ရောက်လာအောင် ဆက်သွယ်နိုင်ပါလိမ့်မယ်..။ iPhone ရဲ့ SIM ကတ်နဲ့ အမြဲတမ်း အင်တာနက် ဖွင့်ထားဖို့တော့ လိုပါတယ်..။ နောက်ဆုံး မိမိဆီ ဖုန်းပြန်မရောက်လာရင်တောင်မှ အဲ့ဒီ iPhone ကို ဘာမှအသုံးပြုလို့ မရအောင် Lost Mode and Erase Mode တွေနဲ့ ထိန်းချုပ် ဖျက်ဆီးပစ်လိုက်လို့ ရပါတယ်..။ ယနေ့အချိန်ထိ iCloud ရဲ့ လုံခြုံရေး (Security) ကို ဖျက်စီးနိုင်တဲ့ ဆော့ဝဲလ်တွေနဲ့ ဟတ်ကာတွေ မထွက်ပေါ်လာသေးပါဘူး.. (နောက်ပိုင်းတော့ ပေါ်ကောင်းပေါ်လာပါလိမ့်မယ်)။ ဒါကြောင့် Apple ထုတ်ကုန်တွေ ဝယ်သုံးနိုင်တဲ့သူများကတော့ ဒီ iCloud အကောင့်ကို မဖြစ်မနေ လုပ်ထားရမှာပါ..။ နောက်တစ်ခုကတော့ iCloud ရဲ့ Find my iPhone ကို အလွယ်တကူ ပိတ်လို့မရအောင် Pass Code (or) လက်ဗွေ နဲ့ ဖုန်းအဖွင့်မှာ ပိတ်ခံထားဖို့လည်း လိုပါတယ်..။
